330x110
 

50-dən çox şirkət öz məhsullarını “Organic Food Festival 2019”da təqdim etdi

24.06.2019,17:14


24 iyun, Fineko/abc.az. 21-23 iyun tarixlərində keçirilən "Organic Food Festival 2019" festivalında 50-dən çox şirkətin məhsul və xidmətləri təqdim edilmişdir.

Azərbaycanın kiçik və Orta Biznesin İnkişafı Agentliyinin (KOBİA) məlumatında deyilir ki, növbəti "Organic Food Festival" Üzvi Qida Festivalı 2020-ci ilin iyun ayında Bakıda keçiriləcək.

"Festivalda 150-ə yaxın məhsul və xidmət təqdim olunub. Mikro və kiçik sahibkarlığın nümayəndələri müxtəlif mallar, o cümlədən bal, bitki çayları, meyvə şirələri, müxtəlif bitki yağları, ev üsulu ilə hazırlanmış mürəbbə, ədviyyat, düyü, quru meyvə və s., həmçinin üzvi qablaşdırma materialları, sosial-sahibkarlıq layihələri təqdim ediblər", - deyə məlumatda bildirilir.

Tədbirin təşkilatçıları KOBİA, Azərbaycan Sahibkarlar Təşkilatları Milli Konfederasiyası, Dövlət Aqrar-Ticarət Şirkəti və "Proaktiv" PR agentliyidir.