“Azərsu” ASC Sabunçu rayonunun 5 qəsəbəsində yeni layihələr həyata keçirir

01.07.2019,15:50


1 iyul, Fineko/abc.az. “Azərsu” ASC-dən verilən məlumata görə,  Bakı şəhəri və ətraf qəsəbələrdə əhalinin içməli su təchizatının yaxşılaşdırılması məqsədilə Sabunçu rayonunun 5 qəsəbəsində içməli su layihələri həyata  keçirilir.

Sabunçu rayonunda icra olunan layihələr Maştağa, Zabrat, Pirşağı, Nardaran və Bilgəh qəsəbələlərini əhatə edəcək.

Yeni tikilən şəbəkələrdən evlərə birləşmə verilərək sayğaclar quraşdırılır. İlkin mərhələdən bu layihələrdən 5 minədək sakin faydalanacaq.

Növbəti mərhələdə Sabunçu rayonunun içməli sudan əziyyət digər yaşayış massivlərində də su şəbəkələrinin tikintisi və genişləndirilməsi işləri həyata keçiriləcək.