Milli Depozit Mərkəzi “Elektron xidmətlər” sistemini istifadəyə verib

16:24 - 1.07.2019


1 iyul, Fineko/abc.az. Milli Depozit Mərkəzi (MDM) investorların rahatlığının təmin edilməsi məqsədilə “Elektron xidmətlər” sistemini istifadəyə verib.

MDM-dan bildirilib ki, sistemə daxil olmaq üçün istifadəçi “ASAN İmza”ya malik olmalıdır. “ASAN İmza” vasitəsilə hər bir istifadəçi depo hesabı səhifəsinə daxil olaraq mülkiyyətçisi olduğu qiymətli kağızların emitentləri, sahibi olduğu qiymətli kağızın miqdarı, onların öhdəliklərlə yüklənib-yüklənməməsi barədə məlumatları əldə edə bilər.

Qeyd edilir ki, istifadəçinin mülkiyyətçisi olduğu qiymətli kağızların əməliyyatları barədə məlumatlar da depo hesabında əks olunur.

 

Bütün xəbərlər