15:48 - 8.07.2019

---

8 iyul, Fineko/abc.az. Azərbaycanın Şəki, Zaqatala, Qax və Balakən rayonlarının tütün istehsalçıları Azərbaycan Sənaye Korporasiyasının (ASK) və “Azertutun” MMC-nin nümayəndələri ilə görüşüblər.

ASK-nin məlumatında deyilir ki, görüşdə tütün istehsalçıları öz məhsulları üçün subsidiyaların artırılmasını xahiş ediblər.

“Fermerlər verilən güzəştli kreditlərin müddətlərinin, verilən xammal üçün ödənilən subsidiyaların məbləğinin artırılması, həmçinin toxum, texnika və su ilə təmin edilməsinin yaxşılaşdırılmasını xahiş ediblər”, - deyə məlumatda bildirilir.

“Azertutun” MMC-nin nümayəndələri görüşün sonunda, fermerlər arasında daha sıx əlaqələrin yaradılması və operativliyin artırılması üçün hər bir rayonda 5 nəfərdən ibarət Məsləhət Şurasının yaradılması barədə qərar qəbul ediblər.

Hazırda hər kiloqram quru tütünə və hər 10 kiloqram çiy tütünə 0,05 manat məbləğində subsidiyalar, tütün emalı ilə məşğul olan hüquqi şəxslərə və sahibkarlıq fəaliyyəti ilə məşğul olan fiziki şəxslərə tütün satışı zamanı verilir.

2018-ci ildə Azərbaycanda 2,7 min ton qurudulmuş tütün və 22,5 min ton nəmləndirilmiş tütün istehsal olunub. Bununla yanaşı, tütün istehsalçıları 247,4 min manat məbləğində subsidiya alıblar.

Azərbaycan Prezidenti İlham Əliyev 2018-ci ilin dekabrında Aqrar Kreditlər və İnkişaf Agentliyinin vəsaitlərindən istifadə qaydasını təsdiq edib.

Qaydalara əsasən, Agentliyin vəsaitləri kənd təsərrüfatı məhsullarının istehsalının, emalının, saxlanılmasının və satışının təkmilləşdirilməsinə, regionların aqrosənayeləşdirilməsi üzrə innovativ layihələrin, istehsal vasitələrinin yaxşılaşdırılmasına yönələn layihələrin, onların güzəştli satışının və lizinqin maliyyələşdirilməsinə, heyvandarlığın inkişafı layihələrinin maliyyələşdirilməsinə yönələn layihələrin maliyyələşdirilməsinə yönəldilə bilər.

Mikrokreditlər 2 ilə qədər, kiçik və orta kreditlər - 3 ilə qədər, iri kreditlər - 5 ilədək müddətə verilir. Kreditlər üzrə güzəştli müddət müvafiq olaraq 12, 18 və 24 aya qədər təşkil edəcək.

Agentlik illik səlahiyyətli təşkilatlara illik 2% ilə kreditlər verir. Sahibkarlar üçün faiz dərəcəsi isə illik 7%-dən çox olmamalıdır.