12:32 - 16.07.2019

---

16 iyul, Fineko/abc.az. Bu gün Bakıda Azərbaycan-Əfqanıstan İşçi Qrupunun ilk iclası keçirilib.

İclasda çıxış edən İqtisadiyyat nazirinin müavini Sahib Məmmədov bildirib ki, hazırda Azərbaycanda sənaye, nəqliyyat və xidmət sahələri üzrə 11 Əfqanıstan şirkəti fəaliyyət göstərir. Bu günədək Əfqanıstan Azərbaycan iqtisadiyyatına 1,5 milyon dollar məbləğində investisiya yatırıb. Ölkələrimiz arasında inşaat materiallarının istehsalı, tikinti, rabitə, nəqliyyat, avtomobil yollarının çəkilişi, elektrik enerjisinin istehsalı, meliorasiya, kənd təsərrüfatı, meyvə-tərəvəz məhsullarının qablaşdırılması və digər sahələrdə əməkdaşlıq imkanları nəzərdən keçirilə bilər.