Yeni ildən Rusiya avtomobillərinin qiyməti bahalaşacaq

06.12.2017,17:25


6 dekabr, Fineko/abc.az. Yeni ildən xaricdən gətirilən avtomobillərə görə gömrük rüsumunun artırılması Azərbaycana gətirilən Rusiya avtomobillərinin də qiymətlərinə təsir edəcək.

ABC.AZ-ın əldə etdiyi məlumata görə “AvtoVaz”ın Azərbaycanda rəsmi təmsilçisi “Xəzər Lada” da qiymətləri artırmağı planlaşdırır. Belə ki, indiyə qədər Rusiya avtomobillərində 1 kubsantimetr həcmə görə aksiz vergisi 20 qəpik nəzərdə tutulmuşdur. Hal-hazırda isə bu məbləğ 70 qəpiyə yüksəlib. Rusiya avtomobillərində mühərrikin həcmi əsasən 1,6-1,7 litr olduğunu nəzərə alsaq, fərq minimum 800 manat təşkil edir. Digər xərclər də nəzərə alınsa bahalaşma minimum 1000 manat təşkil edəcək. Məsələn, hazırda 14  min manata satılan yeni “Niva” 15 min manata kimi bahalaşacaq.

 

Açar sözlər: AvtoVaz Lada Xəzər Lada