ADB Azərbaycan iqtisadiyyatının diversifikasiyasının dəstəklənməsi üçün yeni kredit ayırdı

06.12.2017,17:35


6 dekabr, Fineko/abc.az. Asiya İnkişaf Bankının (ABD) direktorlar şurası Azərbaycana 250 milyon dollar həcmində kredit ayırıb.

Kredit, “Dövlət idarəçiliyinin və dövlət sektorunun effektivliyinin təkmilləşdirilməsi” layihəsinin birinci mərhələsi çərçivəsində ayrılır.

Birinci mərhələ çərçivəsində fiskal konsolidasiya və iqtisadi diversifikasiyaya nail olmaq planlaşdırılır. 2018-ci ilə planlaşdırılmış ikinci mərhələ əldə edilmiş səmərəliliyi möhkəməndirməyə yönəldiləcək.

Azərbaycan 22 dekabr 1999-cu il tarixində ADB-na üzv seçilmişdir, bankın kapitalında ölkənin iştirak payı  0,5% təşkil edir.

Əməkdaşlığın başlanğıcından etibarən Asiya bankı Azərbaycana energetika, nəqliyyat, şəhər infrastrukturu və  digər sahələrdə müxtəlif layihələrin reallaşdırılması üçün 4,1 milyard dollar məbləğində qrantlar və kreditlər ayırıb.

 

Açar sözlər: ABD kredit