330x110
 

Azərbaycan və Ermənistan xarici işlər nazirləri Qarabağ münaqişəsinin həlli çərçivəsində görüş keçirdilər

07.12.2017,10:00


7 dekabr, Fineko/abc.az. Azərbaycanın xarici işlər naziri Elmar Məmmədyarov  Ermənistan xarici işlər naziri  Edvard Nalbandyanla Vyanada görüşüb.

Xarici İşlər Nazirliyindən verilən məlumata əsasən, Elmar  Məmmədyarov ATƏT-in Minsk Qrupunun həmsədrlərinin vasitəçiliyi ilə, Vyanada erməni həmkarı Edvard Nalbandyanla görüşüb.

Görüşdə Dağlıq Qarabağ münaqişəsinin həlli məsələləri müzakirə olunub.

“Ermənistan-Azərbaycan münaqişəsinin tezliklə həll edilməsi üçün ciddi, məntiqli və konkret danışıqların aparılması zəruridir”, - XİN-nin məlumatında belə deyilir. 

Azərbaycanın xarici işlər naziri Elmar Məmmədyarov bildirib ki, görüş pozitiv və konstruktiv şəkildə keçib.

Tərəflər, Azərbaycan və Ermənistan xarici işlər nazirlərinin Dağlıq Qarabağ münaqişəsinin həllinə dair növbəti görüşün 2018-ci ilin  yanvar ayının ikinci yarısında keçirilməsi barədə razılığa gəldilər.