Kamança YUNESKO-nun Qeyri-maddi mədəni İrs siyahısına daxil edilib

07.12.2017,11:23


7 dekabr, Fineko/abc.az. “Kamança simli musiqi alətinin hazırlanması və ifaçılıq sənəti” adlı sənəd YUNESKO-nun Qeyri-maddi mədəni İrs üzrə Reprezentativ siyahısına daxil edilib.

Azərbaycan Respublikası Mədəniyyət və Turizm Nazirliyinin məlmatında deyildiyi kimi, Cənubi Koreya Respublikasının Jeju adasında keçirilən YUNESKO-nun Qeyri-maddi Mədəni İrsin Qorunması üzrə Hökumətlərarası Komitənin 12-ci sessiyasında Azərbaycan Respublikasının və İran İslam Respublikasının birgə təqdim etdiyi “Kamança simli musiqi alətinin hazırlanması və ifaçılıq sənəti” YUNESKO-nun Qeyri-maddi Mədəni İrs üzrə Reprezentativ siyahısına daxil edilmişdir.

Həmin nominasiya sənədi, Azərbaycan Respublikasının Mədəniyyət və Turizm Nazirliyi, Xarici İşlər Nazirliyi və Azərbaycan Respublikasının YUNESKO yanında Daimi Nümayəndəliyinin İran tərəfi ilə birgə əməkdaşlığı şəraitində təqdim edilmişdir.

 

Açar sözlər: YUNESKO Kamança