"Expressbank"da yeni təyinat

20.08.2019,16:34


20 avqust, Fineko/abc.az. "Expressbank" ASC-nin Biznesin İnkişafı Departamentinə yeni rəhbər təyin edilib. Bu vəzifə Mehriban Ocaqquliyevaya həvalə olunub.

Bu barədə Bank açıqlama verib.

Qeyd olunur ki, Mehriban Ocaqquliyeva daha əvvəl "Expressbank"da 9 il çalışmışdır. Onun ümumilikdə bank sahəsində 15 illik təcrübəsi var. Azərbaycan Dövlət İqtisad Universitetinin Maliyyə kredit fakültəsindən məzunudur. Daha əvvəl Expressbank-da  Müştəri Xidmətləri Departamentinin direktoru, Risklərin İdarə Edilməsi Departamentinin  direktor müavini, Nərimanov filialının müdiri, Biznesin İnkişafı Departamentinin direktoru vəzifələrində çalışıb.

Mehriban Ocaqquliyeva bankdakı yeni vəzifəsinin icrasına 2019-cu ilin avqustundan başlayıb.