330x110
 

Azərbaycan, Rusiyaya gəlmə turizm üzrə ilk beşliyə daxil olub

03.09.2019,11:23


3 sentyabr, Fineko/abc.az.  2019-cu ilin 6 ayı ərzində Azərbaycandan Rusiyaya səfərlərin sayı ötən illə müqayisədə 22 min və ya 6% artıb.

TurStat Turizm portalının məlumatında deyilir ki, Azərbaycan 418 min səfərlə xarici vətəndaşların 2019-cu ilin birinci yarısında Rusiyaya səfərlərinin sayına görə beşinci yeri tutub.

“Rusiyaya gəlmə turizm səfərlərinin sayına görə ilk on ölkəyə Ukrayna - 3 mln 424 min səfər  (ötən illə müqayisədə -8%), Qazaxıstan - 1 mln 569 min (+2%), Çin - 780 min (+17%), Finlandiya - 430 min (-7%), Azərbaycan - 418 min (+6%), Polşa - 323 min (-7%), Almaniya - 270 min (+3%), Ermənistan - 260 min (0%), Moldova - 189 min (-17%) və Estoniya - 232 min (+9%) daxil olun”, - Turstatın məlumatında belə deyilir.

Çin və Cənubi Koreya ilin ilk altı ayının nəticələrinə görə Rusiyaya gəlmə turizminin artımının liderləri oldu.

TurStat turizm portalı 2019-cu ilin ilk 6 ayında Rusiyaya gəlmə turizm ölkələrinin reytinqini təqdim edib. Reytinq,  xaricilərin Rusiyaya gəlmə turizm səfərlərinin statistikasının təhlili əsasında tərtib edilib.