Expressbank təkmilləşdirilmə işləri ilə bağlı müştərilərinə müraciət edib

14:43 - 8.10.2019


8 oktyabr, Fineko/abc.az.  Daim xidmətlərində texnoloji yeniliklərin tətbiqi və təkmilləşdirilməsinə xüsusi diqqət yetirən Expressbank hazırda yeni prosessinq mərkəzinə keçid edir. Bununla bağlı müştərilərin diqqətinə çatdırılır ki, 9 və 10 oktyabr tarixlərində banka məxsus ATM-lərin fəaliyyətində, 10 oktyabr tarixində isə saat 14:00-dan 22:00-dək bütün növ plastik kartların əməliyyatları və onlayn xidmətlər üzrə fasilələr yaranacaq.

Yeni prosessinq mərkəzinə keçid müştərilərə daha çevik xidmət göstərmək və yeni məhsullar təqdim etməyə imkan verəcək. Belə ki, artıq “Cash to any Card” (istənilən karta pul mədaxili) , “PİN kod dəyişdirilməsi”, “PİN kod bərpası”, “SMS PİN” (PİN kodun SMS-lə göndərilməsi), “VİSA Direct”, “MasterCard Money Send” (Bütün VİSA və MC bank kartlarına pulun göndərilməsi), “Bonus və Loyalty proqram” (Loyallıq proqramları), “QR Payment” (QR kod ilə ödəniş) kimi xidmətlər daha rahat və daha sürətli həyata keçiriləcək. Həmçinin, növbəti mərhələlərdə bank kartı olmadan mobil telefon vasitəsi ilə təmassız ödəniş imkanları da mümkün olacaq.

Pərakəndə və biznes bankçılıq sahəsində geniş çeşiddə bank məhsulu və xidmətlər təklif edən "Expressbank"- ın ölkə ərazisində 15 filialı mövcuddur. Bank xidmətləri barədə ətraflı məlumatı 132 Məlumat Mərkəzinə zəng edərək, www.expressbank.az  saytına və ya bankın sosial şəbəkələrdəki rəsmi səhifələrinə daxil olaraq əldə edə bilərsiniz.

Bütün xəbərlər