Azərbaycan Prezidenti xarici pasport və şəxsiyyət vəsiqələri ilə bağlı yeni rüsumlar təsdiqləyib ABC.AZ

Azərbaycan Prezidenti xarici pasport və şəxsiyyət vəsiqələri ilə bağlı yeni rüsumlar təsdiqləyib

12:34 - 15.12.2017

15 dekabr, Fineko/abc.az. Dünən Azərbaycan Prezidenti “Dövlət rüsumu haqqında” Qanuna dəyişikliklərin edilməsi barədə qanun imzalayıb.

2018-ci ildən xarici pasport və şəxsiyyət vəsiqəsinin itirilməsi ilə əlaqədar yenidən verilməsinə görə dövlət rüsumlarının artırılması təsdiq edilib.

Qanuna edilmiş və 1 yanvar 2018-ci il tarixindən qüvvəyə minəcək dəyişikliklərə əsasən, şəxsiyyət vəsiqəsinin 10 iş günü müddətində verilməsi halında dövlət rüsumunun həcmi 15 manat (əvvəlki rüsumun həcmi 5 manat olub), 3 iş günü müddətində 35 manat (25 manat), bir iş günü müddətində isə 45 manat (35 manat) təşkil edəcək.

Xarici pasportun itirilməsi və ya korlanması ilə əlaqədar yenidən verilməsinə görə dövlət rüsumunun həcmi, pasportun sahibinin yaşından asılı olaraq, 20 manatdan 170 manata qədər təşkil edəcək. Həmin dövlət rüsumları xairici pasportun 10 iş günü müddətində verilməsi halında tutulacaq.

14.3-1. Azərbaycan Respublikası vətəndaşının şəxsiyyət vəsiqəsinin itirilməsi və ya korlanması ilə əlaqədar yenidən verilməsinə görə:
14.3-1.1. 10 iş günü müddətində verildikdə	15 manat
14.3-1.2. 3 iş günü müddətində verildikdə	35 manat
14.3-1.3. 1 iş günü müddətində verildikdə	45 manat

14.1-1. Azərbaycan Respublikasının vətəndaşlarına xaricə getmək hüququ verən ümumvətəndaş pasportlarının itirilməsi və ya korlanması ilə əlaqədar yenidən verilməsinə görə:
14.1-1.1. on iş günü müddətində verildikdə
14.1-1.1.1. bir yaşınadək uşaqlar üçün	20 manat
14.1-1.1.2. bir yaşından üç yaşınadək uşaqlar üçün	30 manat
14.1-1.1.3. üç yaşından on səkkiz yaşınadək uşaqlar üçün	40 manat
14.1-1.1.4. on səkkiz yaşına çatmış vətəndaşlara	50 manat
14.1-1.2. beş iş günü müddətində verildikdə
14.1-1.2.1. bir yaşınadək uşaqlar üçün	30 manat
14.1-1.2.2. bir yaşından üç yaşınadək uşaqlar üçün	50 manat
14.1-1.2.3. üç yaşından on səkkiz yaşınadək uşaqlar üçün	70 manat
14.1-1.2.4. on səkkiz yaşına çatmış vətəndaşlara	90 manat
14.1-1.3. bir iş günü müddətində verildikdə
14.1-1.3.1. bir yaşınadək uşaqlar üçün	50 manat
14.1-1.3.2. bir yaşından üç yaşınadək uşaqlar üçün	90 manat
14.1-1.3.3. üç yaşından on səkkiz yaşınadək uşaqlar üçün	130 manat
14.1-1.3.4. on səkkiz yaşına çatmış vətəndaşlara	170 manat

Dövlət rüsumu tutulmalı olan hərəkətlər	Dövlət rüsumunun məbləği
33-3.1. Hüquqi şəxslərə arxiv arayışlarının, arxiv sənədlərindən çıxarışların, arxiv sənədlərinin təsdiq olunmuş surətlərinin verilməsinə görə:
33-3.1.1. üç iş günü müddətində verildikdə	20 manat
33-3.1.2. beş iş günü müddətində verildikdə	10 manat
33-3.2. Fiziki şəxslərə arxiv arayışlarının, arxiv sənədlərindən çıxarışların, arxiv sənədlərinin təsdiq olunmuş surətlərinin verilməsinə görə
33-3.2.1. üç iş günü müddətində verildikdə	10 manat
33-3.2.2. beş iş günü müddətində verildikdə	5 manat