330x110
 

Daha bir hərrac keçirilib - Bakı Fond Birjasında

14.11.2019,16:34


14 noyabr, Fineko/abc.az. “Embafinans” MMC-nin istiqrazlarının yerləşdirilməsi üzrə hərrac keçirilib.

ABC.AZ xəbər verir ki, hərrac Bakı Fond Birjasında “Embafinans” MMC-nin AZ2005020600 ISIN-li, 1 milyon manat həcmində, 1 il tədavül müddətli istiqrazlarının yerləşdirilməsi üzrə baş tutub.

Yerləşdirmədə qiyməti 1000 manat olan hərracda sifarişlər 5 investor tərəfindən təqdim edilib. Sifarişlərin nominal qiymətlə ümumi məbləği 1 milyon 523 min manat qeydə alınıb.

İstiqrazların nominal qiymətlə yerləşdirilmiş həcmi 1 milyon manat təşkil edib.

Qeyd edək ki, istiqrazların ödənməsi gələn il noyabrın 14-də olacaq.

Müəllif: Elmir Murad