Banklara olan inam elektron ticarətin inkişafına maneə olur - EKSPERT

15:03 - 26.11.2019


26 noyabr, Fineko/abc.az. Azərbaycanda hələ də elektron ticarətin ümumi ticarətdə payı 1 faizə belə çatmır.

ABC.AZ xəbər verir ki, İqtisadi və Sosial İnkişaf Mərkəzinin rəhbəri, iqtisadçı ekspert Vüqar Bayramov deyib. “Bu isə ondan xəbər verir ki, bu sahədə daha sistemli və kompleks tədbirlərin həyata keçirilməsinə ehtiyac var” deyə V. Bayramov bildirib.

Azərbaycan elektron ticarəti vergiyə cəlb edən az sayda dövlətlərdən biridir deyən ekspertin sözlərinə görə, hətta elmi məqalə işləmək üçün elektron proqram alınanda da əlavə dəyər vergisi (ƏDV) ödənilir: “Beyin mərkəzinin internet səhifəsinin hostinqi üçün internet üzərindən ödənişlər edən zaman belə 18 faiz ƏDV tutulur. Halbuki, bu tip elektron ödənişlər əksər inkişaf etmiş ölkələrdə bütün vergilərdən azaddır. Bunun səbəbidir ki, son illər elektorun xidmətlərdən istifadə edən müştərilərin xeyili hissəsi Gürcüstanda özlərinə bank hesabı açırlar. Elektron ticarətinin inkişafına əngəl olan digər faktor elektron infrrastrukturun tam olaraq inkişaf etməməsidir. Xüsusən də, post-terminalların işləməməsi və xidmət sektorunda sahibkarların elektron ödənişlərə marağının az olması halları var. Banklara olan inam da elektron ticarətin inkişafına maneə olur. Bu baxımdan, biz təklif edirik ki, ABŞ da daxil olmaqla əksər ölkələrdə olduğu kimi Azərbaycanda da elektron ticarəti dolayı vergidən, yəni ƏDV-dən azad olunsun. Post-terminalların istifadəsi ilə bağlı şərtlər və nəzarət təkmilləşdirilsin. Ən əsas məqamlardan biri, cari hesablarda olan vəsaitlər də dövlət tərəfindən sığortalansın ki, vətəndaş plastik kartında vəsait saxlamaqda tərəddüd etməsin. Elektron ticarətin inkişafı yalnız sistemli islahatlar nəticəsində mümkün ola bilər”.

Müəllif: Elmir Murad

 

Bütün xəbərlər