İspaniyanın “Tecnicas Reunidas” şirkəti Heydər Əliyev adına NEZ-nun rekonstruksiyasının layihəsi üzrə SOCAR-ın podratçısı oldu

19.12.2017,18:01

19 dekabr, Fineko/abc.az. Heydər Əliyev adına Neft Emalı Zavodu ilə İspaniyanın “Tecnicas Reunidas” şirkəti arasında qurğuların rekonstruksiyası üzrə müqavilə imzalanmışdır.

Dövlət Neft Şirkətinin (SOCAR) məlumatında deyildiyi kimi, podratçı ilə müqaviləni bu gün NEZ-nun direktoru Elman İsmayılov və “Tecnicas Reunidas” şirkətinin  korporativ inkişaf üzrə  Baş direktoru Enrique Alsina Massana  (Enrique Alsina Massana) imzaladılar.

“Tecnicas Reunidas” ilə müqavilə mövcud qurğuların və zavodun ümumi təsərrüfatının  rekonstruksiyasını  nəzərdə tutur”. – məlumatda belə deyilir.

Məlumatda deyilir ki, Heydər Əliyev adına NEZ-nun rekonstruksiyasının məqsədi artan nəqliyyat vasitələri parkı fonunda yüksək keyfiyyətli yanacaqda daxili tələbatın ödənilməsi, kimya sektoru və emal sektorunun koordinasiyası, ölkənin ətraf mühitinin yaxşılaşdırılması vasitəsilə ölkənin ixrac potensialını artırmaqdır. Bu planlar çərçivəsində zavodun rekonstruksiyası üç mərhələdə aparılacaq. 14 qurğu tikiləcək. Zavodun gücü ildə 6 milyon tondan 7,5 tona qədər artırılacaq, istehsal olunan yanacağın keyfiyyəti Avro-5 standartlarına uyğun olacaq,  A-92/95/98 benzininin istehsalı təmin ediləcək. Bu layihənin həyata keçirilməsi nəticəsində, Neft Emalı Zavodunun istismar xərclərinin optimallaşdırılması və “Azərneftyağ” NEZ infrastrukturunun tam ləğvi təmin ediləcək.