330x110
 

ARDNŞ və “Statoil” perspektivli əməkdaşlığın əsas prinsipləri haqqında sazişlər imzaladılar

20.12.2017,12:26


20 dekabr, Fineko/abc.az. ARDNŞ-nin prezidenti Rövnəq Abdullayev “Statoil” şirkətinin baş vitse-prezidenti Al Kuk ilə görüş keçirib.

ARDNŞ-nin məlumatında deyildiyi kimi, tərəflər, Xəzər dənizinin Azərbaycan sektorunda bəzi perspektivli sahələrin kəşfiyyatı, işlənməsi və hasilatın pay bölgüsü  sahəsində, habelə “Qarabağ” neft yatağının işlənməsi sahəsində əməkdaşlıq haqqında razılaşdılar.

Məlumatda deyilir: “Sazişlərdən biri, Xəzər dənizinin Azərbaycan sektorunda bəzi perspektivli sahələrin kəşfiyyatı, işlənməsi və hasilatın pay bölgüsü haqqında müqavilənin əsas kommersiya prinsipləri və müddəaları üzrə ARDNŞ və “Statoil” şirkəti arasında razılaşmasını  əhatə edir. İkinci sənəd, “Qarabağ” neft yatağı üzrə risk xidmət sazişinin əsas kommersiya prinsipləri və müddəalarını əhatə edir”.

“Qarabağ” yatağındakı ehtiyatlar 16 milyon ton neft və 28 milyard kubmetr qaz təşkil edir. Yataq Bakı şəhərindən 130 km şərqdə yerləşir. Yataq  zonasında dənizin dərinliyi 180 metrdir.

 

Açar sözlər: ARDNŞ Statoil