330x110
 

Gürcüstana 9 milyona yaxın turist səfər edib – Azərbaycanlılar çoxluq təşkil edir

04.12.2019,16:21

4 dekabr, Fineko/abc.az. Gürcüstana səfər edən azərbaycanlı ziyarətçilərin sayı 7 faiz artıb.

ABC.AZ xəbər verir ki, bu ilin yanvar-noyabr aylarında Azərbaycandan Gürcüstana səfər edənlərin sayı 1 milyon 404 min 28 nəfər təşkil edib. Gürcüstanın Milli Turizm Adminstrasiyasının hesabatında bildirilir ki, illik müqayisədə qonşu ölkəyə yollanan azərbaycanlı ziyarətçilərin sayı 92 min 121 nəfər və ya 7 faiz artıb.

Bu göstərici ilə Azərbaycan hesabat dövründə Gürcüstana gedən əcnəbilərin sayı baxımından ikinci yeri tutub. Birinci yerdə 1 milyon 406 min 255 nəfərlə Rusiya, üçüncü yerdə isə 1 milyon 230 min 834 nəfərlə Ermənistandır. Təkcə noyabr ayında isə Gürcüstana Azərbaycandan 114 min 657 insan gedib ki, bu da ötən ilin eyni göstəricisindən 8 min 552 nəfər, yaxud 8,1 faiz çoxdur.

Qeyd edək ki, Gürcüstana bu ilin 11 ayında 8 milyon 690 min 352 nəfər, yalnız noyabr ayında isə 670 min 122 nəfər turist səfər edib.

Müəllif: Elmir Murad