330x110
 

Azərbaycanın elektrik ixracı artıb

28.12.2019,16:06


28 dekabr, Fineko/abc.az. Bu ilin yanvar-noyabr aylarında “Azərenerji” ASC 75,9 mln dollarlıq elektrik enerjisi ixrac edib.

 ABC.AZ xəbər verir ki, bu barədə İqtisadi İslahatların Təhlili və Kommunikasiya Mərkəzinin “İxrac icmalı”nda göstərilib.

Sözügedən hesabatda qeyd olunub ki, bu, ötən ilin müvafiq dövrü ilə müqayisədə 11,7 mln dollar, yaxud 18,22% çoxdur.

Qeyd edək ki, Azərbaycan Rusiya, Gürcüstan, Türkiyə və İranla elektrik enerjisi mübadiləsini həyata keçirir. Azərbaycan bu il mayın 1-dən etibarən Gürcüstan və Türkiyədən tranzit keçməklə Yunanıstana, həmçinin Gürcüstan və Türkiyə ilə yanaşı, Bolqarıstandan da keçməklə Rumıniya və Macarıstana da elektrik enerjisi ixrac edir.