Azərbaycanda problemli kreditlərin məbləği 15,5 faizə çatıb

16:22 - 22.12.2017


22 dekabr, Fineko/abc.az. 2017-ci il noyabr ayının 1-nə ölkənin bank və bank olmayan kredit təşkilatlarının kredit portfeli milli valyuta ekvivalentində 12152,2 milyon manat təşkil etmişdir.

Dövlət Statistika Komitəsindən verilən məlumata əsasən,  onun  9869,0 milyon manatı uzunmüddətli kreditlər olmuşdur.

“Ödəmə vaxtı keçmiş kreditlərin məbləği ümumi kredit portfelinin 15,5 faizini təşkil etmişdir”, - məlumatda belə deyilir.

Həmçinin bildirilir ki, əhalinin banklardakı əmanətlərinin milli valyuta ekvivalentində məbləği 2017-ci il noyabr ayının 1-nə 7280,1 milyon manat təşkil etmişdir.  Noyabr ayında milli valyutanın 1 ABŞ dollarına nisbətdə orta məzənnəsi 1,70 manata (ilin əvvəlindən 1,72 manata), 1 Avroya – 2,00 manata (1,94), 100 Rusiya rubluna – 2,89 manata (2,96) bərabər olmuşdur.

 

Bütün xəbərlər