“MoneyPolo” pul köçürmə sistemi Azərbaycanda qadağan edildi

17:51 - 25.12.2017


25 dekabr, Fineko/abc.az. Maliyyə Bazarlarına Nəzarət Palatası (FIMSA) “MoneyPolo” pul köçürmə sisteminin fəaliyyətini ölkədə dayandırdı.

FIMSA-nın məlumatında deyildiyi kimi,  sistemin Azərbaycanda fəaliyyəti, sistem tərəfindən  beynəlxalq hüquq normalarının pozulması və ölkənin ərazi bütövlüyünün tanınmaması, ölkənin işğal olunmuş ərazilərində qanunsuz pul köçürmələrinin həyata keçirilməsinə görə dayandırılıb.

 “Beləliklə, sistem, çirkli pulların yuyulması və terrorizmin maliyyələşdirilməsində mühüm vasitə ola bilər. Qeyd olunanlar nəzərə alınaraq, ölkədə fəaliyyət göstərən banklara və “Azərpoçt” MMC-yə bu pul köçürmə sistemi ilə işgüzar münasibətlərin dayandırılmağı ilə bağlı tapşırıq verilmişdir”, - məlumatda belə deyilir.

 

 

Bütün xəbərlər