11:19 - 31.01.2020

---

31 yanvar, Fineko/abc.az. 2019-cu ildə aparılmış siyasət Azərbaycanda strateji valyuta ehtiyatlarının artımına şərait yaradıb.

ABC.AZ xəbər verir ki, bunu Mərkəzi Bankın sədri Elman Rüstəmov faiz dəhlizinin parametrlərinin elan edilməsinə dair ənənəvi mətbuat konfransında bildirib.

Baş bankir digər məsələlərə də toxunaraq qeyd edib ki, manitar şərait pulun dəyərinin artımına gətirib çıxarıb. E.Rüstəmov bildirib ki, maliyyə sektorunda bir sıra kövrəkliklər qalsa da 600 min vətəndaşa kompensasiyalar verilib. O prezidentin Fərmanın icrasının bir sıra bankların sağlamlaşdırılmasına gətirib çıxardığını vurğulayıb: "Bankların başlıca gəlir mənbəyi olan əhalinin əmanətləri 3,4 faiz artıb. 2018-ci ildə fiziki şəxslərin banklardakı dollarla qoyulan əmanətləri 63 faizdən 2019-cu ildə 52 faizə enib. Dövriyyədə olan kartların sayı 13 faiz artıb. Kartlarla aparılan nağdsız əməliyyatlar 58 faiz artıb".

 Müəllif: Elmir Murad