Lisenziyası ləğv edilmiş şirkəti “Qala Sığorta” əvəz etdi

10:47 - 4.02.2020


4 fevral, Fineko/abc.az. Azərbaycan Sığortaçılar Assosiasiyası İctimai Birliyinin (ASA İB) ali idarəetmə orqanı olan Ümumi Yığıncağın iclası baş tutub.

ABC.AZ xəbər verir ki, 22 Sığorta şirkətinin sədr və sədr müavinlərinin iştirakı ilə keçirilən iclasda ASA İB-nin 2019-cu ildə gördüyü işlər müzakirə edilib. İclasda Müşahidə Şurasına AXA MBASK şirkəti əvəzinə “Qala Sığorta” ASC-nin üzvlüyü təsdiqlənib.

İclas zamanı diqqət yönəldilən əsas məsələlərdən biri də Qurumun Tədbirlər planı olub. 2020-ci il üçün təsdiq edilən plan üzrə qanunverilik, sığrota sahəsində  maarifləndirmə, təlim kurslarının və layihələrin həyata keçirilməsi üzrə işlərin davam etdirilməsi qərara alınıb. Qəbul edilən yeni qərarlar sırasında ASA İB-nin üzvlüyündən çıxarılan sığorta vasitəçiləri ilə fərqli formatda fəaliyyətin davam etdiriləcəyi də yer alıb.

Müəllif: Elmir Murad

 

Bütün xəbərlər