330x110
 

Turizm reyestrinin yaradılacağı tarix açıqlandı – 6 ay qalır

20.02.2020,11:20


20 fevral, Fineko/abc.az. Bir müddət əvvəl anonsu verilən Turizm reyestrinin yaradılacağı tarix açıqlanıb.

Dövlət Turizm Agentliyinin mətbuat xidmətinin rəhbəri Kənan Quluzadə ABC.AZ-a bildirib ki, Turizm Reyestri bu ilin avqust ayında yaradılacaq.

Qurum rəsmisi Turizm Reyestrinin fəaliyyət istiqamətlərini də açıqlayıb: “Turizm reyestrində bütün turizm sahəsində fəaliyyət göstərən hüquqi və fiziki şəxslərin məlumatları yeləşdiriləcək. Həmçinin məlumatlar sistemləşdiriləcək və orada əməkdaşlıq formatı yaradılacaq. Bununla yanaşı dövlət nəzarəti və sairə gücləndiriləcək. Ümumilikdə turizm sahəsində ən böyük yeniliklərdən biri “Turizm haqqında” qanun layihəsinin hazırlanmasıdır. Qanun layihəsinə parlamentdə baxılacaq. Və ondan sonra orda hamının fəaliyyəti qanun çərçivəsində daha dəqiq göstəriləcək”.

Müəllif: Elmir Murad