330x110
 

Bütün hallarla bağlı krizis ssenariləri hazırlanıb - Agentlik rəsmisi

27.02.2020,14:09


27 fevral, Fineko/abc.az. Ümumilikdə koronovirusu, bu qlobal krizislə bağlı turizm sənayesi iştirakçılarına müraciət edirik ki, həm Azərbaycana gələn, həm də burdan gedən turistlər təlimatlandırılsın.

ABC.AZ xəbər verir ki, bunu Azərbaycan Turizm Agentliyinin mətbuat katibi Kənan Quluzadə jurnalistlərə açıqlamasında deyib.

O qeyd edib ki, indiki krisiz psixolojidir. Onun sözlərinə görə dünyada bütün ölkələrdə səyahətlərin sayı azalır və  insanlar sadəcə qorxu içimdədir: " Əlbəttə ki, bu həm regionumuza, həm də Azərbaycana mənfi təsir göstərir. Hər gün dəyişən situasiya ilə bağlı müxtəlif ssenarilərimiz var ki, biz hazırlamışıq. Burada Azərbaycanın sərhədləri açıq olduğu təqdirdə turizmimiz necə inkişaf edəcək, hansı addımlar atılacaq, bağlı olan təqdirdə nələr həyata keçiriləcək müddəaları yer alıb. Bütün hallarla bağlı bizim tərəfimizdən krizis ssenariləri hazırlanıb. Əlbəttə ki, bütün turizm sektorunun iştirakçıları ilə biz məsləhətləşmələr aparırıq ki, bu situasiyada hansı addımlar atılmalıdır və necə etmək lazımdır ki, turizm sektoru daha az  zərər görsün. Turizm sektoru təkcə gedib və gələn insanlardan ibarət deyil, həm də xidmət göstərənlərdən ibarətdir. Əlbəttə ki, bu sektorda işləyənlərin sosial vəziyyəti ilə bağlı aidiyyatı qurumlarla məsləhətlər aparırıq ki, başqa addımlar ataq".

Müəllif: Elmir Murad