TƏBİB koronavirusa görə çağırış edib – Əlamətləri hiss etsəniz dərhal həkimə gedin

06.03.2020,10:48


6 mart, Fineko/abc.az. Tibbi Ərazi Bölmələrini İdarəetmə Birliyi (TƏBİB) koronavirus (COVİD – 19) xəstəliyi yayılmış ölkələrə səyahət etmiş şəxslərə tövsiyə xarakterli çağırış edib.

ABC.AZ xəbər verir ki, TƏBİB-in yaydığı məlumatda qeyd olunub ki, respirator xəstəliyin əlamətləri öskürək, qızdırma, ürəkbulanma, nəfəs  darlığıdır: "Koronavirus xəstəliyi rəsmi olaraq qeydə alınmış ölkələrə səyahət etmiş şəxslərin üzərində müşahidələrin aparılması son təmasdan sonrakı 14 gün ərzində nəzərdə tutulur.

Müşahidə müddətində (14 gün ) mümkün qədər evinizi tərk etməyin, insanların sıx toplandığı yerlərə getməyin, şəxsi gigiyena qaydalarına ciddi riayət edin. Tez-tez əllərinizi su və sabunla 20 saniyə ərzində yuyun. İstifadə etdiyiniz dəsmaldan ailə üzvlərinizin istifadə etməsinə yol verməyin. Respirator xəstəlik əlamətləri hiss etdiyiniz halda dərhal 104 (Bakı daxili) və ya 113 (Bakıdan kənar) Təcili yardım nömrələrinə zəng edin və həkim müayinəsindən keçin".

Müəllif: Elmir Murad