330x110
 

Fatih Birol: Neft bazarı 100 ildir yaşamadığı şoku yaşayır

08.04.2020,15:21


8 aprel, Fineko/abc.az. Neft bazarı 100 ildir yaşamadığı şoku yaşayır.

Bu sözləri Beynəlxalq Enerji Agentliyinin (IEA) icraçı direktoru Fatih Birol deyib.

O bildirib ki, ilk dəfədir neft tələbatı inanılmaz dərəcədə azalıb. İstehsal isə çox sürətlə artır. Böyük həcmdə istifadə edilməmiş neft var və bu, qiymətə çox böyük təzyiq göstərir. Dünya neft sənayesinin dağılmaq təhlükəsi ilə üzləşməsi qlobal iqtisadiyyatdakı olduqca narahat tendensiyaya daha çox təsir edir.

“OPEC+” üzrə hasilat sutkada 10 milyon barrel azalsa belə, bu, problemi həll etməyəcək. Belə ki, bazarda tənəzzül davam edəcək. 10 milyon barrellik azalma cəmi bir neçə gün ərzində bazara müsbət təsir edəcək”, - deyə F.Birol qeyd edib.

©️ Azertag.az