Sahibkarlar cəmi iki günə virtual POS terminal əldə edə bilər

15:08 - 29.04.2020


29 aprel, Fineko/abc.az. Bir çox innovativ bankçılıq texnologiyalarını ilk dəfə ölkəmizə gətirən Azərbaycan Beynəlxalq Bankı öz ənənəsini davam etdirir. Bank ölkəmizdə nağdsız ödənişlərin genişlənməsinə, elektron ticarətin sürətli inkişafına böyük kömək göstərəcək daha bir innovativ imkanı müştərilərə və tərəfdaşlara təqdim edib. Bank virtual POS terminal funksiyasını yerinə yetirən IBA Link xidmətini istifadəyə verib.

Bu xidmət müştəriyə Azərbaycan Beynəlxalq Bankının tərəfdaşları olan alış-veriş və xidmət məkanlarından istədiyi məhsulu, xidməti onlayn qaydada sifariş vermək və ödənişi IBA Link üzərindən həyata keçirmək imkanı verir. Belə ki, müştəri onlayn sifarişini həyata keçirdikdən sonra saytdakı IBA Link bölməsinə daxil olaraq ödənişi kartla aparır. Yaxud ödənişin linkini müştəriyə mağaza özü də göndərə bilər. Linki bütün kommunikasiya kanalları, o cümlədən, WhatsApp, SMS, elektron məktub və s. vasitəsilə göndərmək mümkündür.

IBA Link 24/7 rejimində çalışır. Bankın tərəfdaşları bu xidmətə istənilən zaman qoşula bilərlər. Bunun üçün xüsusi inteqrasiya proseslərinə gərək yoxdur. Bu xidmətdən istifadəyə görə qoşulma və xidmət haqqı da tələb olunmur. Müştəri ödənişi həyata keçirərkən mağazaya bu barədə anında məlumat daxil olur. IBA Linkdən bütün satış və xidmət məntəqələri faydalana bilər. Xidmətə buradan qoşulmaq mümkündür.

Qeyd edək ki, indiyə qədər virtual POS terminalın əldə edilməsi sahibkarın banka müraciətindən sonra uzun müddət çəkirdi. İndi isə sahibkar maksimum 2 gün müddətinə virtual POS terminalı əldə edə bilər.

Müasir dövlət bankı olan Azərbaycan Beynəlxalq Bankının məhsul və xidmətləri barədə məlumatları bankın 37 filial və 39 şöbəsindən, www.ibar.az internet səhifəsindən, 937 nömrəli Məlumat Mərkəzindən, həmçinin rəsmi Facebook səhifəsindən əldə etmək olar.

 

 

Bütün xəbərlər