330x110
 

Daha bir hərrac keçirilib - 19 investorun marağını cəlb edib

19.05.2020,17:53


19 may, Fineko/abc.az. Bakı Fond Birjasında (BFB) Maliyyə Nazirliyinin AZ0105009788 ISIN-li, 20 mln. manat həcmində, 728 gün tədavül müddətli dövlət ortamüddətli istiqrazlarının (DOİ) yerləşdirilməsi üzrə hərrac keçirilib.

ABC.AZ xəbər verir ki, ümumi məbləği 20 milyn manat olan istiqrazların yerləşdirilməsi üzrə hərrac zamanı 19 investor tərəfindən qiyməti intervalı 88.0000 AZN (18.4441%) və 100.1754  AZN (10.9000%) olan 25 sifariş təqdim edilib.

Maliyyə Nazirliyinin qərarına əsasən istiqrazların kəsmə qiyməti 100 AZN (11,%), orta ölçülmüş qiyməti 100.0157  (10.9910%) müəyyən edilib. Sifarişlərin nominal qiymətlə ümumi məbləği 62 milyon 349,8 min manat, yerləşdirilmiş həcmi isə 20 mln. manat təşkil edib. İstiqrazların ödəmə tarixi 17 may 2022-ci il.