15:26 - 31.05.2020
31 may, Fineko/abc.az. Xəbər verdiyimiz kimi “Azərkosmos” 2019-cu il üçün maliyyə hesabatını açıqlayıb.
ABC.AZ şirkətin hesabatına istinadən xəbər verir ki, qurum 2019-cu il ərzində nizamnamə kapitalında dəyişiklik etməyib.
Şirkətin nizamnamə üzrə ehtiyatının isə 28,3% artaraq 208,37 milyon manat həcmində olduğu görünür. “Azərkosmos”un uzunmüddətli aktivlərinə gəlincə şirkətin bu göstəriciləri 2018-ci ilə nisbətdə 8% azalaraq 569,86 milyon manat olub.
Qısamüddətli aktivləri isə 70,8% artaraq 58,73 milyon manat, ümumi aktivləri isə 3,8% azalaraq 628,59 milyon manat dəyərində olub. Aktivlərin azalmasının böyük hissəsi torpaq, tikili və avadanlıqlar bəndində öz əksini tapmış və əsas səbəb 2019-cu ildə “Azerspace-2” peykinin tutumlarının 46%-nin “İntelsat” şirkətinə maliyyə lizinqinə verilməsi ilə bağlıdır.
Həmçinin, ümumi öhdəliklər 2018-ci ilə nisbətdə 77,09 milyon manat və ya 10,4% azalaraq 663,77 milyon manata düşüb. “Azərkosmos”un öhdəliklərinin əsasını peyk layihələri ilə bağlı götürülmüş kreditlərin ödənilməsi təşkil edir. Bu kreditlər peyk xidmətlərindən əldə edilən gəlirlər hesabına vaxtlı-vaxtında geri ödənilir və bu günə kimi şirkətin vaxtı keçmiş və ya gecikdirilmiş kredit borcu qeydə alınmayıb.
Qeyd edək ki, “Azərkosmos”un 2019-cu ilin yekunları üzrə dərc olunmuş maliyyə hesabatları dünyanın dörd ən böyük audit şirkətlərindən biri olan “PricewaterhouseCoopers" (PwC) audit şirkətinin Azərbaycan nümayəndəliyi tərəfindən müstəqil auditor rəyi alıb.
23 Aprel 2024
23 Aprel 2024
23 Aprel 2024
23 Aprel 2024
23 Aprel 2024
23 Aprel 2024
23 Aprel 2024
23 Aprel 2024
23 Aprel 2024
23 Aprel 2024
23 Aprel 2024
23 Aprel 2024
23 Aprel 2024
23 Aprel 2024
22 Aprel 2024
22 Aprel 2024
22 Aprel 2024
22 Aprel 2024
22 Aprel 2024
22 Aprel 2024