330x110
 

Şahdəniz qurğularının maksimum hasilat gücü açıqlanıb – İldə 20 milyard kubmetrdən çoxdur

02.06.2020,16:01


2 İyun, Fineko/abc.az. Xəzər dənizinin Azərbaycan sektorundakı “Şahdəniz” qaz-kondensat yatağından indiyədək 121 milyard kubmetr təbii qaz hasil olunb.

ABC.AZ-ın məlumatına görə, bu barədə BP-nin “2019-cu il üçün Azərbaycan üzrə Davamlı İnkişaf hesabatı”ndakı icmalında qeyd olunub.

İlk hasilat başlandığı dövrdən bu vaxtadək yataqdan 28 milyon ton kondensat çıxarılıb. Bu ilin yanvar-mart aylarında “Şahdəniz” yatağından - “Şahdəniz Alfa” və “Şahdəniz Bravo” platformalarından birgə 4,7 milyard standart kubmetr qaz və təqribən 1 milyon ton (7,7 milyon barrel) kondensat hasil edilib. Mövcud “Şahdəniz” qurğularının maksimum hasilat gücü hazırda gündəlik 56 milyon standart kubmetr və ya ildə təqribən 20 milyard kubmetrdən çoxdur. 2018-ci il iyulun sonunda “Şahdəniz Bravo” platformasından ilk qaz əldə olunduğu vaxtdan hasilat tədricən artmaqda davam edir. Yatağın işlənməsinin ikinci mərhələsi üzrə, yəni “Şahdəniz-2”də hasilat və sonrakı tədrici artım üçün ümumilikdə 17 quyu qazılıb və bunlardan 16-sı tamamlanıb.

Müəllif: Elmir Murad