330x110
 

MİDA 2 milyon 700 min manatlıq tenderlərə yekun vurdu

16.06.2020,15:12


16 iyun, Fineko/abc.az. “MİDA” MMC-nin Gəncə şəhərində, Azərbaycan Bayrağı küçəsindəki 6,23 ha ərazidə yaşayış kompleksinin tikintisi ilə əlaqədar ərazinin şaquli planlaşdırılması, səkilər və yollar, abadlıq və yaşıllaşdırma işlərinin satın alınması (Tender 1) və Gəncə şəhərində, Azərbaycan Bayrağı küçəsindəki 6,23 ha ərazidə yaşayış kompleksinin tikintisi ilə əlaqədar sahəxarici və sahədaxili su təchizatı, təsərrüfat-məişət kanalizasiya şəbəkəsi işlərinin (Tender 2) satın alınması ilə bağlı elan edilən açıq tenderlərə yekun vurulub.

ABC.AZ etender.gov.az -veb saytına istinadən xəbər verir ki, 1-ci tenderin qalibi "11 Saylı İxtisaslaşdırılmış Dəmir Yolu Müəsisəsi " MMC, 2-ci tenderin qalibi "İNŞAAT"  İstehsalat-Tikinti Quraşdırma İnşa müəsisəsi olub.

Qalib şirkətlərə müvafiq olaraq 1.588247 manat, 1.117749 manat ödəniləcək.