330x110
 

Yeni xarici işlər naziri kimdir? Avtobioqrafiya

16.07.2020,15:58


16 iyul, Fineko/abc.az. Xəbər verdiyimiz kimi Prezident İlham Əliyev Ceyhun Bayramovu xarici işlər naziri təyin edib.

ABC.AZ-ın məlumatına görə, yeni xarici işlər naziri C.Bayramov 1973-cü ildə Bakı şəhərində anadan olub.

1990-cı ildə orta məktəbi gümüş medalla bitirib. Həmin il Azərbaycan Dövlət İqtisad İnstitutuna qəbul olunub. Bu ali məktəbi iqtisadçı ixtisası üzrə fərqlənmə diplomu ilə bitirib.

1996-2000-ci illərdə Vergilər Nazirliyində müxtəlif vəzifələrdə çalışıb. 2013-cü il mayın 30-dan avqustun 12-dək Təhsil Nazirliyi Aparatının rəhbəri vəzifəsində çalışıb.

12 avqust 2013-cü ildə Təhsil nazirinin müavini təyin olunub. 23 aprel 2018-ci il tarixində isə təhsil naziri təyin olunub.

Qeyd edək ki, C.Bayramov evlidir, 2 övladı var.

Müəllif: Elmir Murad