Azərbaycanda problemli kreditlərin həcmi 15,5% təşkil edir

17:26 - 23.01.2018


23 yanvar, Fineko/abc.az. 2017-ci il dekabr ayının 1-nə ölkənin bank və bank olmayan kredit təşkilatlarının kredit portfeli milli valyuta ekvivalentində 12226,2 milyon manat təşkil etmişdir.

Dövlət Statistika Komitəsindən verilən məlumata əsasən, onun 9872,2 milyon manatı uzunmüddətli kreditlər olmuşdur.

“Problemli kreditlərin məbləği ümumi  kredit  portfelinin 15,5%-ni təşkil etmişdir”, - məlumatda belə deyilir.

Məlumatda həmçinin deyilir ki, əhalinin banklardakı əmanətlərinin milli valyuta ekvivalentində məbləği 2017-ci il dekabr ayının 1-nə 7370,6 milyon manat təşkil etmişdir. 2017-ci ilin yanvar-noyabr aylarında manatın 1 ABŞ dollarına nisbətdə orta məzənnəsi 1,70 manata (ilin əvvəlindən 1,72 manata), 1 avroya – 2,01 manata (1,94), 100 rubla – 2,90 manata (2,95) bərabər olmuşdur.

 

Bütün xəbərlər