330x100
 

Azərbaycan Livana yardım edəcək – Prezident məktub yazdı

05.08.2020,16:20


5 avqust, Fineko/abc.az. Prezident İlham Əliyev livanlı həmkarı Mişel Auna başsağlığı verib.

ABC.AZ xəbər verir ki, məktubda aşağıdakılar qeyd olunub:

"Beyrut şəhərində baş vermiş dəhşətli partlayış nəticəsində çoxsaylı insan tələfatı və dağıntılarla bağlı xəbər məni olduqca kədərləndirdi.

Bu çətin anda Azərbaycan xalqının Livan xalqı ilə həmrəy olduğunu bildirirəm. Azərbaycan faciənin törətdiyi fəsadların aradan qaldırılması məqsədilə dost Livan Respublikasına maliyyə yardımı göstərəcəkdir.

Sizə, həlak olanların ailələrinə və Livan xalqına dərin hüznlə başsağlığı verir, yaralananların tezliklə sağalmasını diləyirəm".