14:25 - 6.08.2020

---

6 avqust, Fineko/abc.az. Yük sığortasında 2 dəfədən çox artım müşahidə olunub.

ABC.AZ İqtisadi İslahatların Təhlili və Kommunikasiya Mərkəzinin icmalına istinadən xəbər verir ki, artım pandemiya dövründə yük daşımalarının məhdudlaşdırılmaması səbəbindən qeydə alınıb.

Pandemiyanın sığorta sektoruna dolayı formada olan müsbət təsirini də qeyd etmək lazımdır.

Belə ki, pandemiya dövründə bütün sahələrdə elektronlaşmaya keçidin geniş tətbiqi ilə müxtəlif sektorlarda fəaliyyət göstərən biznes subyektlərində daha öncə mövcud olan qeyri-formal məşğulluğun rəsmiləşdirilməsinə tələbat yaranıb. Bu səbəblə rəsmi qeydiyyata alınmış işçilərin icbari sığortalanması vacib olduğundan sığortalanma hallarının artması təbii olaraq sığorta yığımlarının artmasına gətirib çıxarıb.