330x110
 

Yarim ildə Azərbaycanda ÜDM-in həcmi azalıb

13.08.2020,14:47


13 avqust, Fineko/abc.az. Bu ilin yanvar-iyul aylarında ölkədə 40 mlrd 008,5 milyon manatlıq və ya əvvəlki ilin eyni dövrü ilə müqayisədə 2,8% az ümumi daxili məhsul istehsal olunub.

ABC.AZ Dövlət Statistika Komitəsinə istinadən xəbər verir.

Məlumata görə, iqtisadiyyatın qeyri neft-qaz sektorunda əlavə dəyər 1,6%, neft-qaz sektorunda isə 4,5% azalıb.

ÜDM istehsalının 35,3%-i sənaye, 11,2%-i ticarət; nəqliyyat vasitələrinin təmiri, 7,5%-i nəqliyyat və anbar təsərrüfatı, 7,1%-i kənd təsərrüfatı, meşə təsərrüfatı və balıqçılıq, 6,3%-i tikinti, 2%-i informasiya və rabitə, 1,4%-i turistlərin yerləşdirilməsi və ictimai iaşə sahələrinin, 19%-i digər sahələrin payına düşmüş, məhsula və idxala xalis vergilər ÜDM-in 10,2%-ni təşkil edib.