Putin Belarusun daxili işlərinə qarışmağın yolverilməz olduğunu bildirib

17:25 - 18.08.2020

18 avqust, Fineko/abc.az. Rusiya Prezidenti Vladimir Putin və Fransa Prezidenti Emmanuel Makron arasında telefon danışığı olub.

“RİA Novosti”yə istinadən verilən xəbərə görə, bu barədə Kremlin mətbuat xidməti məlumat yayıb.

Telefon danışığı zamanı V. Putin Belarusun daxili işlərinə qarışmağın və Minskə təzyiq göstərməyin yolverilməz olduğunu fransalı həmkarının diqqətinə çatdırıb.

Rusiya və Fransa liderləri yaranmış problemin tezliklə tənzimlənməsində maraqlı olduqlarını vurğulayıblar.

Qeyd olunub ki, telefon danışığı Fransa tərəfinin təşəbbüsü əsasında baş tutub.

© apa.az

Bütün xəbərlər