10:11 - 8.09.2020

---

8 sentyabr, Fineko/abc.az. Neft qiymətləri çərşənbə axşamı tələbin zəif qalacağı əlaməti əsasında azalır.

9:15-də London ICE Futures birjasında Brent-in noyabr fyuçersləri 0,10 (0,24%) düşərək bir barrelə 41,91 dollar təşkil edir. Sentyabrın 7-də keçirilən ticarətin nəticələrinə görə, noyabr ayı üçün Brent-in fyuçers qiyməti 0,65 dollar (1,5%) - barrel başına 42,01 dollara düşüb.

9:15-də Nyu-York əmtəə birjasında (NYMEX) WTI-nin oktyabr ayına olan fyuçersi 0,81 (2,04%) – barrel başına 38,96 dollara düşdü. Bazar ertəsi günü ABŞ-da istirahət günü olduğundan  NYMEX birjasında ticarət aparılmamışdır.

Saudi Aramco, ötən həftə sonu, Saudi Aramco' nun ən böyük regional bazarı olan Asiya üçün Arab Light çeşidinin qiyməti, ikinci ay ardıcıl olaraq - barrel başına 1,4 dollar azaldığını bildirdi. Nəticədə, Oman və Dubayın neft səbətindən 0,8 dollar az olacaq. Arab Super Light və Arab Extra Light sortları Asiya müştəriləri üçün bir barelə $1,5, Arab Heavy - bir barelə $0,9 ucuzlaşacaq.

Xammal sektoru üzrə analitiklərin fikrincə, Saudi Aramco neftin qiymətinin aşağı düşməsi göstərir ki, tələbin bərpa olunmasına zəmanət verilmir.