İntensiv üsulla bağların salındığı rayon – Ən çox bu kəndlərdə təşkil edilib

17:32 - 9.09.2020

9 sentyabr, Fineko/abc.az. Ağdaşda son vaxtlar intensiv üsulla yeni bağlar salınır.

Rayon statistika idarəsindən ABC.AZ-a verilən məlumata görə, cari ildə 29,2 hektarda yeni bağlar salınıb.

Bunun 23,5 hektarı və ya 80,5 faizi intensiv üsulla becərilən bağlardır.

Bu bağların 6,5 hektarı alma, 6 hektarı gavalı, 6 hektarı gilas, qalanı isə xurma və alça sahələridir. Yeni bağlar daha çox rayonun Qolqəti, Dəhnəxəlil və Ağcayazı kəndlərinin ərazilərində əkilib.

Qeyd edək ki, hazırda Ağdaşda 3060,5 hektar bağ sahəsi var.

 

Bütün xəbərlər