330x110
 

Bu Agentlik Rusiya İxrac Mərkəzi ilə razılıq əldə edib – Məqsəd

11.09.2020,15:32


11 sentyabr, Fineko/abc.az. “Roseksimbank” və Azərbaycan Kiçik və Orta Biznesin İnkişafı Agentliyi (KOBİA) birgə layihələrin icrasına dair razılıq əldə ediblər.

ABC.AZ apa-ya istinadən xəbər verir ki, bu barədə Rusiya İxrac Mərkəzi (RİM) məlumat yayıb.

Bildirilir ki, RİM-in Azərbaycandakı nümayəndəliyinin rəhbəri Nuri Quliyevin KOBİA-nın idarə heyətinin sədri Orxan Məmmədovla görüşü çərçivəsində Rusiyanın Azərbaycana ixracına maliyyə və kredit dəstəyi həcminin artırılması, kiçik və orta biznes sahəsində birgə layihələr portfelinin diversifikasiyası müzakirə olunub.

Tərəflər həmçinin RİM şirkətlər qrupu ilə Agentliyin strukturuna daxil olan KOB inkişaf fondları arasında Azərbaycan rezident şirkətlərinin Rusiyanın mal, iş və xidmət tədarükçüləri ilə xarici ticarət müqavilələrin maliyyələşdirilməsi üçün əməkdaşlığın artırılması məsələlərinə də toxundular.