Azərbaycana 6 ölkənin vətəndaşları gətirilib - Siyahı

14:10 - 14.09.2020


14 sentyabr, Fineko/abc.az. Bu gün Gürcüstandan təxliyə edilən daha 350 nəfər "Sınıq körpü" sərhəd-keçid məntəqəsindən Azərbaycana yola salınıblar.

ABC.AZ xəbər verir ki, təxliyə edilənlərdən 97-si Azərbaycan, 240-ı Gürcüstan, 6-sı Rusiya, 2-si Qazaxıstan, 1-i Türkiyə, 3-ü Ukrayna və 1-i Pakistan vətəndaşıdır.

Həmin şəxslər ötən gün Marneulidəki klinikalardan birində COVID-19 testi veriblər və onların hər birində analiz cavabı neqativ olub.

Təxliyə edilənləri Azərbaycanın Gürcüstandakı səfirliyinin əməkdaşları müşayiət edir. Qeyd edək ki, pandemiya dövründə Azərbaycanın Gürcüstandakı səfirliyi tərəfindən Gürcüstandan 2500-dən çox azərbaycanlının təxliyəsi həyata keçirilib.

Müəllif: Elmir Murad

 

Bütün xəbərlər