330x110
 

Qanunsuz balıq ovlayan şəxs saxlandı – Təbiətə 1023 manat ziyan vurub

23.09.2020,10:36


23 sentyabr, Fineko/abc.az. Milli Parkın ərazisində elektrik cərəyanı ilə balıq ovlayan şəxs saxlanılıb.

DİN-dən ABC.AZ-a daxil olan məlumata görə, Masallı rayonunun Qızılağac kəndi istiqamətində Milli Parkın kiçik su sahəsində elektrik avadanlıqları ilə qanunsuz olaraq balıq ovlayan Masallı rayon sakini A.Həsənov saxlanılıb. Həmin şəxsdən ov zamanı istifadə etdiyi qayıq, elektrik avadanlıqları və ov zamanı istifadə etdiyi digər alətlər, həmçinin qanunsuz olaraq tutduğu balıqlar aşkar olunaraq götürülüb.

A.Həsənovun təbiətə 1023 manat dəyərində maddi ziyan vurduğu müəyyən edilib. Faktla bağlı araşdırma aparılır.