330x110
 

Gürcüstanda gündəlik virusa yoluxanların sayı 500-ə yaxınlaşır - Vəziyyət kritikdir

01.10.2020,12:29


1 oktyabr, Fineko/abc.az. Gürcüstanda virusa yoluxanların sayında yenidən rekord səviyyədə artım müşahidə olunub.

ABC.AZ xəbər verir ki, son 24 saat ərzində Gürcüstanda ölkə üzrə 448 yeni yoluxma qeydə alınıb.

Mövcud virusdan müalicə alan pasiyentlərdən isə 299 nəfər sağalıb. Beləliklə, bu günədək ölkədə koronavirus diaqnozu qoyulanların ümumi sayı, 6,640 nəfərə çatıb.

Onlardan 3,419 nəfəri isə tam olaraq sağalıb. Ümumilikdə 40 nəfər sözügedən virusdan həyatını itirib.

Müəllif: Elmir Murad