330x100
 

Azərbaycan ən çox bu ölkələrdən elektromobil idxal edib – Siyahı

23.10.2020,14:33


23 oktyabr, Fineko/abc.az. Bu ilin yanvar-avqust aylarında Azərbaycana 7,697 mln. ABŞ dolları dəyərində 136 ədəd elektrik mühərrikli nəqliyyat vasitəsi idxal edilib.

ABC.AZ Dövlət Statistika Komitəsinə istinadən xəbər verir ki, ölkəyə elektromobillərin idxalında ən böyük paya Böyük Britaniya malik olub.

Hesabat dövründə bu ölkədən Azərbaycana 6,786 mln. dollar dəyərində 100 elektromobil gətirilib.

Bunlar "Bakı Taksi Xidməti" MMC tərəfindən Böyük Britaniyanın “London EV”(LEVC) şirkətindən 100 ədəd "TX" aldığı taksilərdir. İdxalda ikinci olan ABŞ Azərbaycana 308,88 min dollarlıq 14 ədəd, üçüncü ən böyük elektromobil idxalçısı olan Almaniya isə 454,51 min dollar dəyərində 6 ədəd elektrikli nəqliyyat vasitəsi göndərib.

Bu ölkələrini ardınca gələn Çin Azərbaycana 79,24 min dollarlıq 10 ədəd sözügedən nəqliyyat vasitəsi tədarük edib. Yaponiya öz növbəsində, ölkəyə 26,5 min dollarlıq 4 ədəd elektromobil ixrac edib.

Müəllif: Elmir Murad