11:15 - 26.10.2020

---

26 oktyabr, Fineko/abc.az. Uzun sürən hərbi qarşıdurma, dollarlaşmanın sürətlənməsi və dollar depozitlərinin axını nəticəsində maliyyə vəziyyəti və ya xarici balans pisləşərsə, agentlik Azərbaycanın kredit reytinqlərini endirə bilər.

ABC.AZ-ın məlumatına görə, bu "S&P Global Ratings" beynəlxalq reytinq agentliyinin Azərbaycanla bağlı proqnoz tipli hesabatında vurğulanıb.

Qeyd olunub ki, reytinqə təzyiqlərin artması həm də ölkənin idarə olunan məzənnə rejimindən nizamsız şəkildə çıxmaq məcburiyyətində qalması nəticəsində baş verə bilər. "Azərbaycanın reytinqi üzrə proqnozu yaxşılaşdırılması münaqişənin səbəb olduğu uzunmüddətli sürən qeyri-müəyyənliyin azalması və Azərbaycanın maliyyə, tədiyə balansı və artım göstəricilərinə mənfi təsirlərin qarşısı alınması fonunda baş verə bilər" deyə məlumatda vurğulanıb.