Prezidentin köməkçisi bu təşkilatları Azərbaycana dəvət etdi

16:12 - 28.10.2020


28 oktyabr, Fineko/abc.az. Prezidentin köməkçisi Hikmət Hacıyev Human Rights Watch və Amnesty International təşkilatlarını Ermənistanın cinayətlərini qiymətləndirmək üçün Azərbaycana dəvət edib.

ABC.AZ xəbər verir ki, o, bununla bağlı tvitter hesabında paylaşım edib.

H.Hacıyev qeyd edib ki, Ermənistanın Azərbaycanın Bərdə şəhərinə qarşı soyqırımı aktı: ölənlərin sayı 20-yə çatıb, yaralıların sayı 40-dan çoxdur.

"Hamısı günahsız mülki şəxslərdir. Hücumda “Smerç” klaster raketlərindən istifadə edilib. Human Rights Watch və Amnesty İnternational təşkilatlarını Ermənistanın bu cür cinayətlərinin yerində qiymətləndirilməsi üçün dəvət edirik”, - deyə Prezidentin köməkçisi qeyd edib.

 

Bütün xəbərlər