16:37 - 12.11.2020

---

12 noyabr, Fineko/abc.az. Şəhid olmuş əsgər və zabitlərin ailə üzvlərinin və müharibə əlillərinin daim dəstəklə təmin olunmaları üçün Əmək və Əhalinin Sosial Müdafiəsi Nazirliyində iclas keçirilib.

Bu barədə ABC.AZ-a Nazirlikdən məlumat verilib.

İclasda nazir Sahil Babayev vurğulayıb ki, şəhid ailələrinin, müharibə əlillərinin həm maddi təminatının və həyat şəraitlərinin yaxşılaşdırılması, həm də məşğulluq məsələlərinin həlli istiqamətində bütün tədbirlərin görülməsi təmin olunacaq.

S.Babayev qeyd edib ki, bu il 1500 mənzil və fərdi evin şəhid ailələri və müharibə əlillərinə verilməsi işləri aparılır. Onlardan böyük əksəriyyəti artıq verilib və proses davam edir.