330x110
 

Şuşadan 2 gündə 300 erməni meyiti çıxarılıb – Paşinyandan acı etiraf

16.11.2020,17:21

16 noyabr, Fineko/abc.az. Ermənistan baş naziri Nikol Paşinyan  bu gün deputatlar qarşısında çıxış edərək hesabat verib.

ABC.AZ-ın məlumatına görə, o çıxışında 44 günlük müharibənin bəzi detallarına toxunub. Paşinyan Şuşadakı döyüşlərdən danışarkən Şuşanı xilas etmək mümkün olsaydı, xilas edilərdi deyə bildirib.

Baş nazirin sözlərinə görə, şəhər uğrunda döyüş zamanı böyük itkilər xəyanət söhbətinə ziddir. N.Paşinyan qeyd erib ki, son 2 gündə Şuşadan 300-dən çox erməni əsgərinin cəsədi çıxarılıb.

“300-dən çox cəsəd. Siz bu döyüşün miqyasını təsəvvür edirsiniz? Generalların və ya siyasi rəhbərliyin guya Şuşa üçün döyüşməməyi əmr etdiyini deyənlər var. O zaman bu insanlar kimin əmri ilə vuruşub öldü?”,-deyə Paşinyan vurğulayıb.