330x100
 

Sərnişin daşıma ilə məşğul olduğu üçün koronavirus xəstəsinə cinayət işi açıldı

23.11.2020,11:58

23 noyabr, Fineko/abc.az. Ağstafa rayon sakini 1964-cü il təvəllüdlü Qadirli Ramiz Əziz oğlu 07.11.2020-ci il tarixdə “COVİD-19” virusu ilə bağlı test analizi verməklə testin nəticəsinin pozitiv olmasını bilə-bilə, 08.11.2020-ci il tarixdə idarə etdiyi "VAZ-2106" markalı avtomobillə sərnişin daşıyaraq koronavirus infeksiyasının yayılması üçün real təhlükə yaradıb. 


Ağstafa rayon prokurorluğundan ABC.AZ-a daxil olan məlumata görə,  faktla bağlı Ağstafa rayon prokurorluğunda Cinayət Məcəlləsinin 139-1.1-ci maddəsi ilə cinayət işi başlanaraq istintaqın aparılması üçün aidiyyəti üzrə Ağstafa rayon Polis Şöbəsinə göndərilib. Hazırda iş üzrə zəruri istintaq hərəkətləri davam etdirilir.